Uftragswärch

Fotos si ja scho schön, aber villecht suechet dr es speziells Gschänk, es Adänke oder eifach öppis für sich säuber e Fröid zˋmache. Aues isch müglech, obˋs dr aut Wanderschueh, ds auerierschte Outo, ds Feriehüsli oder ds Lieblingshuustier isch, es git keni Gränze.
Ig zeichne Öies Lieblingsmotiv ab Foti, Grössi nach Wahl, mit Pastellfarbe, inklusive Rahme, Glas u Passepartout. Völlig unverbindlich, i verchoufes nume, wenns Öich äbefaus gfaut. Mir beidi müesse Fröid dranne ha.

Ig fröie mi sehr uf Öier Aafrage.

„Johnny“
dr müssiö zieht sini kreise meischtens im bärner seeland u luegt guet zu sire gfolgschaft …
40 x 50 cm

„jerry“
e kater, wo fliessend änglisch versteit u wo sech vorauem eher uf dr gmüetliche site vom läbe bewegt …
40 x 50 cm

„Lenny“
isch e gourmet und e studierte, wagemuetige seefahrer, wo sis schiff u
d besatzig jederzyt cha i stilli gwässer stüüre!
50 x 60 cm

King „Marvik“, Scheff vom Schwarzeburgerland bim tägliche Schönheitsbad
50 x 70 cm

Dr „Pfüseli“, treit ds länge Haar gärn offe…
30 x40 cm

„Senor Leon“, füehrt sini Hazienda umsichtig u schlau
30x40 cm

„Yela“, di gröschti Härzensbrächerin hienache vom Jura
30x40 cm

„Geena“, i däm Momänt grad nid am Ässe
30x40 cm

„gina“
sie isch eher uf dr gmüetliche site, „nume nid gsprängt“, ds läbesmotto, fein ässe u när es verdouigsschläfli, so lahtsech läbe…
40 x 50 cm

„gipsy“
e furchtlose jäger, aber vorauem tschillige wasserämterkater, wo weiss wies geit…
30 x 40 cm

„ds Geburigschänk“
Marvik mit Frauchen
(mit ausdrücklicher Genehmigung der betroffenen Personen veröffentlicht)
50 x 60 cm

Miss Wasseramt „Enya“, weiss wie me vor dr Kamera posiert….
40 x 50 cm

„e Diemtigtaler“, zuegwandert vom Ungerland
30x40 cm

„Flora“, es Finöggeli
30x40 cm

„Signore Trillo“, bewirtschaftet sini Ländereie höch überem Murtesee
30x40 cm

„Ebby“, Princess of Black Forrest
30x40 cm